最近有位比較相熟嘅同事要走，問大家散水餅想食邊間，秘書妹妹就提議咗一間出名貴嘅餅店，差唔多成百蚊一件cake，雖然秘書妹妹講出咗部份同事嘅心聲，但結果都係被人話佢狼死。

狼死通常用嚟形容人好兇狠、好過份，但點解關「狼」事呢？因為狼出名兇狠，係動物界裡面數一數二嘅忘恩負義、以怨報德嘅代表。加上「狼」字比「狠」字多咗一點，即係「狼」兇狠嘅程度仲勁過「狠」，所以就有用「狼」代替「狠」嚟鬧人嘅說法。而加多個「死」字喺後面，只係用嚟加強語氣。

原圖嚟自網絡。